Kërkesë për informacion

Mekanizmat dhe proçedura për bërjen e kërkesave dhe ankesave, në lidhje me veprimet ose mosveprimet e autoritetit publik.

Në Rregulloren e Bashkisë së Tiranës është specifikuar se marrëdhëniet me publikun realizohen në përputhje Ligjin nr. 44/2015, datë30.04.2015 “Kodi i Procedurave Administrative”, Ligjin nr. 119/2014, datë 18.09.2014 “Për të drejtën e informimit”.

Sportelet e Drejtorisë së Informimit dhe Shërbimeve për Qytetarët

• Numrin e gjelbër 08000888
• Faqen zyrtare të Bashkisë Tiranë në Internet www.tirana.al
• Adresën e email [email protected]
• Posta
• Kutia postare e Kryetarit

Të gjithë shërbimet e Bashkisë Tiranë, merren pranë Bashkisë Tiranë apo institucioneve që janë në vartësi të saj, pasi dorëzohet dokumentacioni i nevojshëm po në të njëjtin vend ku do të merret shërbimi.

Bazuar në Rregulloren e Bashkisë së Tiranës, specialistëte Sektorit të Informimit dhe Shërbimeve për Qytetarët, Drejtoria e Komunikimit me Qytetarët, Drejtoria e Përgjithshme e Komunikimit dhe Marëdhënieve  me  Publikin për  të  realizuar  shërbimin  ndaj  qytetarëve ofron  shërbim sipas  një grafiku pune të përcaktuar, nga e hëna në të premte, nga ora 8.30 deri në orën 17.30/18.30 (sipas stinëve). Shërbimi i numrit të gjelbër 08000888 është në funksion çdo ditënga e hëna në të dielë (pra gjatë gjithë javës )nga ora 08.30 deri në orën 22.00.

Nga momenti aplikimit Bashkia Tiranë i siguron qytetarit shërbimin e kerkuar brendanjë afati kohor të parapërcaktuar. Qytetari informohet për aplikimet e paraqitura nga ana e tij nëpërmjet adresës së emailit për kërkesa të paraqitura nëpërmjet numrin e gjelbër 08000888, faqes zyrtare të Bashkisë Tiranë adresë www.tirana.al, dhe adresës së email [email protected], për numrin e protokollit dhe afatin kohor të kthimit të përgjigjes nga strukturat përkatëse.

Nëse qytetari do të paraqitet në sportelet e Sektorit të Informimit dhe Shërbimeve për Qytetarët, Drejtoria   e   Komunikimit   me   Qytetarët,   Drejtoria   e   Përgjithshme   e   Komunikimit   dhe Marëdhënieve  me  Publikin për  të paraqitur  kërkesë/ankesën  në  momentin  e  protokollimit  të  saj nga specialisti, qytetari do të pajiset me një kopje të kërkesës e cila në përmajtje të saj ka numrin e  protokollit,  datën  e  protokollimit,  një  përmbajtje  të  shkurtër  të  kërkesës  së  paraqitur,  duke cilësuar  këtu  edhe  dokumentacionin  bashkëlidhur  nëse  ka  dhe  afatin  kohor  për  marrjen  e përgjigjes. Kjo për të qenë sa më transparent të proçesin e protokollimit të kërkesë/ankesave.

Përgjigjet që do t’ju kthehen qytetarëve do të firmosen nga Drejtorët e Përgjithshëm, apo personi i  autorizuar,  pasi  është  sigluar  nga  specialisti,  përgjegjësi,drejtori  i  drejtorisë. Si  proçedurë  në kthimin  e  përgjigjes  përdoret  shërbimi  postar  për  adresat  e  plota  të  paraqitura  nga  subjekti fizik/juridik.  Në  rastet  e  mospasjes  së  një adresë  jo  të  plotë,  tërheqja  e  përgjigjes  bëhet  pranë 
Sporteleve të Informimit dhe Shërbimeve për Qytetarët, ku subjekti fizik/juridik paraqet kopjen e kërkesës të cilën e ka marë në momentin e protokollimit. Nëse kjo kërkesë/ankesë është paraqitur pranë një prej Institucioneve në varësi të Bashkisë Tiranë, kthim përgjigjia do të tërhiqet pranë tyre.

Gjithashtu,  për  publikimin  e  informacioneve  që  nuk  cënojnë  të  dhënat  personale,  bëhet  edhe lajmërim publik, i cili afishohet në ambientet e organit publik inicues (Stendat e informacionit të cilat ndodhen pas Bashkisë Tiranë).

Për  të  lehtësuar  marrjen  e  ankesave  të  qytetarëve,  Bashkia  e  Tiranës  në  faqen  e  saj  online  ka vendosur edhe aplikacion të posaçëm, i cili mund të shkarkohet edhe në telefonat smartphone ku qytetarët regjistrojnë ankesën e tyre, përcaktojnë lagjen, problematikën dhe marrin në e-mailin e tyre edhe një përgjigje ose kontaktohen më pas nga specialistët.

Shkarko "Formulari i kërkesës për informacion"
 

Niveli i tarifës për marrjen e informacionit
 

Më poshtë do të gjeni tabelën e tarifave që duhet të shlyhen nga kërkuesi për marrjen e informacionit miratuar me VKB nr.158 date 26.12.2019 në favor të institucionit tonë, me emërtimet, kodet dhe shumat si më poshtë:

Rregullat për mënyrës e kryerjes së pagesës dhe subjektet që përfitojnë falas

Në rastet kur është kërkuar informacion apo kopje e njehsuar me origjinalin të dokumentacionit administrativ të prodhuar nga Bashkia Tiranë, referuar neneve 55-56, të VKB-së nr. 158, datë 26.12.2019, koordinatori për të drejtën e informimit informon kërkuesin/ankuesin mbi procedurën e pagesës në sportelet e SISHQ ose në bankat e nivelit te dytë (këtu përjashtohen kategoritë e përcaktuara në nenin 13, pika 4, të ligjit nr. 119/2014, “Për të drejtën e informimit” dhe nenit 57, të vendimit nr. 158, datë 26.12.2019, të Këshillit Bashkiak). 
Nenin 13, pika 4, të ligjit nr. 119/2014, “Për të drejtën e informimit” citon:  “Qytetarët e regjistruar rregullisht në skemat e ndihmës shoqërore, si dhe subjektet përfituese, sipas ligjit nr. 10 039, datë 22.12.2008, “Për ndihmën juridike”, të ndryshuar, e përfitojnë informacionin falas deri në një numër të caktuar faqesh për çdo kërkesë ose në vlerën ekuivalente, kur informacioni jepet në një format tjetër.